विज्ञान प्रदर्शन

एन.सी.ई.आर.टी.(NCERT), नवी दिल्ली यांच्यामार्फत दरवर्षी संपूर्ण भारतात विज्ञान प्रदर्शन घेण्यात येते.

योजनेचे स्वरूप : राष्ट्रीय शैक्षणिक संशोधन व प्रशिक्षण परिषद (NCERT), नवी दिल्ली हि संस्था १९७१ पासून  तालुकास्तरापासून ते राष्ट्रीय स्तरापर्यंत विज्ञान प्रदर्शनाचे आयोजित करते. सन १९८८ पासून या प्रदर्शनाचे नाव “जवाहरलाल नेहरू राष्ट्रीय विज्ञान, गणित व पर्यावरणीय प्रदर्शन” असे करण्यात आले. डिसेंबर २०१६ च्या पहिल्या आठवड्यात तालुका स्तरावर सर्व तालुक्यामधून प्रदर्शनाचे आयोजन करण्यात येत असते.

डिसेंबर अखेर जिल्हा स्तर विज्ञान प्रदर्शनाचे आयोजन होत असते व जानेवारी २०१७ च्या १५ तारखे पर्यंत राज्यस्तरीय विज्ञान प्रदर्शन आयोजित करण्यात येते.

सहभाग : मान्यताप्राप्त शाळेतील पुढील दोन गटातील विद्यार्थी 

१) उच्च प्राथमिक स्तर (इयत्ता ६ वी ते ८ वी पर्यंतचे विद्यार्थी) 

२) माध्यमिक व उच्च माध्यमिक स्तर (इयत्ता ९ वी ते १२ वी पर्यंतचे विद्यार्थी ) 

असे दोन गटातील विद्यार्थी सहभागी होतात.या व्यतरिक्त खालील प्रदर्शन भरविले जातात

Ø माध्यमिक शिक्षकांचे(इयत्ता ९ वी ते १२ वी पर्यंत शिकविणारे शिक्षक) शैक्षणिक साहित्य प्रदर्शन व स्पर्धा

Ø प्राथमिक शिक्षकांचे(इयत्ता १ ली ते ८ वी पर्यंत शिकविणारे शिक्षक) शैक्षणिक साहित्य प्रदर्शन व स्पर्धा

Ø प्रयोगशाळा सहाय्यक/परिचर यांचे प्रायोगिक साधनांचे प्रदर्शन व स्पर्धा

व्याप्ती : या विज्ञान प्रदर्शनात राज्यातील सर्व मान्यता प्राप्त शाळा सहभागी होतात १) शासकीय २)माजी शासकीय जिल्हा परिषद ३) महानगर पालिका/नगर पालिका/नगर परिषदेच्या शाळा, ४) खाजगी अनुदानित/विना अनुदानित/कायम विना अनुदानित शासन मान्य शाळा ५) मिशनरी शाळा ६) आश्रम शाळा इत्यादी प्रकारच्या शाळा होय.

प्रदर्शन कालावधी :

अ. क्रं	विज्ञान प्रदर्शनाचा स्तर	संभाव्य कालावधी
१	तालुका स्तरीय विज्ञान प्रदर्शन	१ ते ३० नोव्हेंबर
२	जिल्हास्तरीय विज्ञान प्रदर्शन	१ ते १५ डिसेंबर
३	राज्यस्तरीय विज्ञान प्रदर्शन	११ ते ३१ जानेवारी

मूल्यमापन :

अ. क्रं.	मूल्यमापनाचे निकष	गुण
१	सहभागी विद्यार्थ्याची सृजनशिलता व कल्पनाशक्तीचा सहभाग	२० गुण
२	प्रार्शनीय वस्तूची मौलिकता व वैज्ञानिक आणि गणितीय नाविन्यता	१५ गुण
३	वैज्ञानिक विचार तत्व, उपागम (प्रणाली)	१५ गुण
४	तांत्रिक कौशल्य, कारागिरी, शिल्पकौशल्य	१५ गुण
५	समाजासाठी उपयोगिता, मापनीयता	१५ गुण
६	अल्पखर्चीक, हस्तवाहयता, टिकाऊपणा	१० गुण
७	सदरीकरणाचे पैलू जसे प्रयोग दिग्दर्शन, स्पष्टीकरण आणि प्रदर्शन	१० गुण
एकूण		१०० गुण